هام جدا لاى صاحب معاش او موظف او اى شخص يمتلك فيزا لقبض المرتب وشير للجميع فورا محدش يقول على بيانات الفيزا مهما حصل متقولش لاي حد ع ارقام الكارت بتاعك ال ١٦ رقم
موظفين البنوك مش بيبان عندهم ومبيسألوش غير على اخر اربع ارقام بس لاهمية وسرية الارقام دى
ال ٣ ارقام اللى فى ضهر الكارت اسمهم cvv دول يعتبروا الباسورد اللى لو اى حد خدهم مع رقم الكارت الاصلى يقدر يسحب بالكارت ده من على الانترنت ويقدر يشترى اى منتج بمنتهى السهوله
الموضوع منتشر الفتره دى جدا كل يوم تقريبا بتيجى ناس ( من جميع الفئات ) بتحكي عن محاوله سرقه واحتيال عن طريق التليفون وللاسف البنك فى اغلب الاوقات مبيقدرش يعمل حاجه ويلحق الفلوس بعد ما تم سحبها من الفيزا
*مفيش حاجه اسمها حد يتصل بيك عشان يعمل تحديث للفيزا بتاعتك ولو حصل قوله حضرتك انا هراجع البنك يافندم
*مفيش حاجه اسمها هيتم وقف الفيزا بتاعتك لو مقولتش على بيانات الفيزا متصدقش حتى لو بيكلمك بطريقه شيك وهيقنعك انه فعلا من البنك وعاوز بيانات الفيزا وكلمة السر ما تسمعش اى كلام منه
*مفيش حاجه اسمها كسبت جايزه هتنزلك الفلوس على الفيزا و حد يقولك قولي البيانات بتاعتها عشان انزلك الفلوس مجرد ما يعرف ارقام الفيزا وكلمة السر هيسحب اى مبلغ فى الفيزا
*مفيش حاجه اسمها حد يتصل بيك ويقولك انا من البنك المركزي او من اي بنك ولازم اخد البيانات او ان فيه محاولة سرقه للكارت بتاعك وقولى بياناته علشان اوقفها
*مفيش حاجه اسمها مليء استمارة عن طريق الفيس بوك او اي موقع( بتلاقي كلمه البنك المركزي او شعار البنك بتاعك ) 
*مفيش حاجه اسمها لو انت مشترك فى صفحات للمعاش او جروبات وشخص يطلب منك رقم الفيزا والباسورد علشان يساعدك ممنوع تعطى اى بيانات لاى شخص مهما كان
*المعترف بيه هو موقع البنك نفسه أو تطبيق أنستا باى اللى بتقدر من خلالهم تسحب المعاش أو المرتب وبيطلبوا منك رقم الفيزا وكلمة السر والرقم المسجل بيه الفيزا
*ارقام الكارت استحاله حد يطلبها منك لاى سبب
خلوا بالكم من النصب اللي منتشر اليومين دول وفى النهايه أعمل شير للمنشور حتى تعم الفائده وتصل لاكبر عدد من اهالينا أصحاب المعاشات والموظفين
شاهد أيضا :
تطبيق وابليكشن تقدر تعرف منه ان معاشك نزل من على الموبيل 2025
من هنا
من هنا
